近日有兩件事令藍鑽石若有所失，首先係《拉闊足球場》暫停，唔可以再同新知舊雨面對面吹水，更失落係收到風，蝙蝠俠將會有個悲慘下場，仲係俾兄弟羅賓出賣，咁毒？
由細個睇電視配音片，到後來好幾套電影，我都算係《蝙蝠俠》迷，弔詭係我鍾意啲角色但唔鍾意作者，嗰個作者莫里森唔知係咪有自虐狂，已不只一次要「親生仔」蝙蝠俠難受，真氣頂。
我心目中球壇嘅蝙蝠俠、羅賓一定係托廸同卡斯辛奴，最終兄弟反目聞者傷心。好彩托廸一個夠殺，最近助羅馬絕處逢生，禮拜對費倫未驚過。
主客和：羅馬勝
心得：明日意甲頭條就咁貼
近5場往績：WWLLL
藍鑽石
與簡拿華路同日出生嘅囡囡入學，今季大把時間睇波，尤其係意甲。