粉絲一直期待嘅諾記首款TouchPhone——5800XM，正式推出日期為11月29日（即係今個禮拜六），香港除咗係全球首賣地區之外，據講有部份AV舖頭仲專登揀夜啲先拉閘，目的原來係等到星期六零時零分，立即拎貨出嚟賣！
聽落的確有啲誇，會唔會好似PS3首賣咁勁？當然有保留啦，不過機場入面啲Sales就話，已經拎晒「優先籌」，仲好淡定表示星期四或星期五已經有貨（行機）返㖭！
講番轉頭，自從5800XM曝光以嚟，一直備受關注，其中售價由起初約$3,000，直至正式公佈為$3,988嗰一刻，真係令好多Fans嚇一大跳。
點講都好，此機魅力認真沒法擋，正如Sales話：「公佈後，有Fans為咗等佢推出，竟然忍手唔買其他型號㖭！」
Nokia（21366338）