【本報訊】四叔李兆基昨日出席順德聯誼總會李兆基中學創校30周年校慶，面對數百師生，大談致富之道，教學生要「死捱死搏」。他笑稱，有關道理已於早前在北京、清華及復旦大學，與當地學生分享，又指當中道理較適合年長一點的同學，對於四叔「生鬼」的演繹，台下師生都聽得津津有味。
四叔的「致富之道」可綜合成四點，第一是──勤力奮鬥，刻苦耐勞。四叔說：「吃得苦中苦，方為人上人。要死捱死搏，唔瞓覺都要做嘢。」
睜大眼講錢「好庸俗」
第二是──經濟未定，不宜早婚。四叔解釋，經濟未穩定就結婚，等如自設枷鎖，「好似去行刑一樣，永不超生。」
第三是──先儲第一桶金，以錢搵錢。四叔稱，用錢來賺錢，才可以令錢不斷增值，但以勞力換取金錢，既要養家，一世難以發圍。
第四是──男怕入錯行，女怕嫁錯郎。四叔說：「正所謂『捉魚之人世世窮』，成代都發達唔到，所以唔好入錯行。你諗住賺錢就入商界，你諗住做專業、想清高就去教書。你鍾意搵錢，搵錢睜大眼就講錢，嗰啲好庸俗嘅，你做庸俗嘅人又得；你清高就可以去教書、做公務員又得。」
除了與中學生談致富，四叔昨日亦為由他捐贈650萬元擴建的新教學大樓主持揭幕。在參觀大樓內的圖書館時，被問及「呢度會唔會有你嘅自傳？」四叔不失幽默地說：「可能有㗎！」
上周出席復旦大學教育發展基金會成立酒會時，不願多談股市的四叔，昨日雖然仍然說「唔識睇股市」，但對於其他問題，他再度發揮有問必答的本色，即使被問到早前傳出有富豪因投資失利刺激過度入院時，四叔亦有回應：「儍啦，我咁精神入醫院？我自己都唔知邊個有入過醫院。」