昨日港股未有因內地減息而大幅上升，嘉賓指恒指升上13900點阻力甚大，投資者亦不敢追貨；又指後市上升動力仍然不足，相信要等下月內地金融工作會議，若再公佈具爆炸性的消息，股市才會有上升動力。
主持 孫柏文
敦沛金融投資研究部主管 郭家耀
瑞士銀行執行董事 于正人
孫：大家以為恒指今日（周四）會有爆炸性上升，點知裂口高開之後跌番晒落嚟，點搞呢？
郭：恒指升近13900點就有阻力，主要因為投資者見高位掟貨，一係就唔敢追入；若果中央淨係靠減息，下一次再減對股市都唔會有特別效益，相信要等下一個月金融工作會議，再有更爆炸性消息，先可以推高個市。
孫：有無多咗投資者揸牛證呢？
于：投資者都睇得比較淡，今日（周四）有一隻幾多街貨量熊證被收回；投資者對牛證嘅投資比較少，就算中資股call輪，都好多人獲利就離場。
click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]搶先貼股
