上周六阿Sa生日，講明想喺聯賽入波當送生日禮物畀佢，結果悶和0:0。場波我踢吓前鋒又轉踢進攻中場，位置感一般，就當我入唔到波搵嘢賴啦，哈！
嗰日咁啱球隊派新波衫，個款竟然用咗畢傑最愛隊祖雲達斯，但我就着咗25號，唔係幾鍾意個冧巴。場波個畫面都幾搞笑，踢我前面嘅係一班現任、前任香港隊籃球隊成員，夠晒新鮮！
前日收到肥仔電話，佢話學校搞運動會，佢攞咗老師組嘅擲木球銀牌。肥仔雖然係弱質靚女，但不嬲出晒名力大無窮，佢攞牌我完全唔覺意外。星期日馬拉加要贏奧沙辛拿，就更加唔意外。
讓球：馬拉加（上）
心得：仲係唔信奧軍攻力
近5場往績：LWWLL
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。