淫照事件搞到主角之一陳冠希喺新戲《跳出去》被刪晒所有戲份兼搵人重拍，同樣與淫照事件有關嘅鍾欣桐（阿嬌）擔演嘅電影《出水芙蓉》命運又點呢？有份主演《出》片嘅方力申，噚日到將軍澳出席活動，佢話仲未知套戲幾時上，不過就唔擔心，當然佢都希望快啲上，小方又話同阿嬌冇聯絡，佢覺得如果到時套戲反應好嘅話，可能係阿嬌復出嘅日子。