古天樂、劉青雲、方中信、張靜初、吳彥祖等即將合作拍攝新片《竊聽風雲》，戲未開拍，古仔以新look先聲奪人，不過青雲很大方指不介意被古仔搶風頭，青雲說：「由佢啦！佢真係型，我見到佢自己都嚇一跳。」不過古仔的鬍鬚新形象卻未必是戲中的造型，他說：「我只係同阿爸阿媽去咗歐洲旅行兩個星期，貪方便冇剃鬚啫！不過個個人見到我第一個反應都係嘩一聲，其實呢個未必係戲中造型，導演好秘密，未知想點。」
青雲方中信爭女
導演麥兆輝及莊文強即時封古仔做關二哥，麥兆輝說：「我見到佢個look就諗起關二哥，真係好似，所以我哋𠵱家個個都叫佢做二哥。」此外，該片以幾位男主角扮演刑事情報科截聽小組為題材，而張靜初就周旋於丈夫方中信及情人劉青雲之間，張靜初說：「我跟青雲、方中信不太熟，古仔、吳彥祖之前已經合作過《門徒》，今次合作的都是型男，雖然他們四位各有風格，但同樣都是好演技的對手。」
採訪：魯萍
攝影：陳志嵐