伊能靜自從同「哈林」庾澄慶（圖）傳出婚變之後，繼續勞燕分飛。噚日庾澄慶如常錄影《百萬大歌星》，全程匿喺化妝間同工作人員打牙骱，心情似乎幾好。反而喺橫店拍劇嘅伊能靜就玩自閉，一收工就返酒店，個樣好憔悴。梗係啦，伊能靜本來擔任東森購物台某護膚品牌代言人，3年收116萬港紙，後年先約滿，據知電視台想提早同佢解約。