周秀娜、雷凱欣和黃榕等多位𡃁界咪神拍攝的09年年曆，可謂徹底解放，其中豹妹上身的雷凱欣，一招胸壓名車，非常養眼。周秀娜則躺卧谷胸證真材實料；黃榕則掀起熱褲，甫士大膽，實行讓男士眼睛吃冰淇淋。
周秀娜、黃榕、曾參選亞姐的Naomi、雷凱欣和台灣模特兒陳小湲等年輕模特兒早前獲品牌OneWay邀請拍攝09年年曆，前晚她們在觀塘出席發佈會。年曆即日起在品牌專門店有售，照片又會印刷成T恤，在年曆中周秀娜和雷凱欣等人均谷胸上陣，其中雷凱欣更趴在名車上，展露35F身材。來自台灣的陳小湲則脫光下身拍攝，令人嘩然；黃榕掀起熱褲，曾選亞姐但不入圍的Naomi與另一名模特兒AnnieG.則濕身舔雪糕，意識大膽。
黃榕撐Edison
擁有32D上圍的周秀娜被指賣大包，她說：「今次做足安全措施，攝影師又好好，我係清場拍嘅，為咗工作冇所謂，今次已經係我嘅底線。」記者指她勁谷胸，她笑說：「我係瞓低影，咁先至證明係真材實料。」
至於曾與陳冠希（Edison）傳緋聞的黃榕，對於Edison在電影《跳出去》中的戲份被刪，她明撐說：「我同Edison少咗聯絡，佢咁後生又有才華，都為佢可惜，希望佢快啲復出工作。」早前有聽眾在網上用粗口罵Edison是媾女王，黃榕說：「畀機會佢，其實件事唔係咁嚴重。」記者指她說過很喜歡Edison，她說：「係以前，𠵱家唔係。」
至於來自台灣的模特兒陳小湲，談到下身脫光影相，她說：「當時只有攝影師，我沒有尷尬，我的底線是不露三點，但若對手是梁朝偉，可以想一想。」
採訪、攝影：駱華齡
