韓國男星權相佑早前同老婆孫泰英飛去求婚地點澳洲補度蜜月，前日下晝，頭戴鴨舌帽嘅權權終於被影到秘密返抵韓國時離開機場嘅相片，不過就唔見英妹嘅蹤影。權權下月會開工拍新片《比悲傷更悲傷的故事》，佢仲會同拍檔李寶英及李范秀將片酬投資落部戲度，實行用行動支持不景氣嘅電影市場。