日本偶像組合SMAP隊長中居正廣，已獲邀同女星仲間由紀惠一齊擔任今年大除夕舉行嘅《第59屆NHK紅白歌唱大賽》司儀，噚日日本NHK電視台正式宣佈呢個消息。中居已係連續三年兼第五次做《紅白》司儀，而仲間就係事隔兩年，第三次擔任呢個要職，佢哋仲係繼06年嘅《紅白》之後第二次合作，而兩位舊拍檔亦喺新片《我但願成為貝殼》扮夫婦㖭。