已有兩年多沒有舉行簽唱會的楊千嬅，昨日在apmWonderMiriam簽唱會上，與歌迷大玩遊戲又獻唱新歌。現時全情投入工作的千嬅，揚言恨嫁的時期已過，將來有幸結婚的話，想於紅館擺酒。
楊千嬅昨日在apm，舉行楊千嬅WonderMiriam簽唱會，她透露將到北京拍劇，準備了百多個流動廁所，她說：「我上次去青海真係試過冇廁所去嘅苦況，個售貨員都問我使唔使買咁多個。」
婚宴搞麻雀賽
千嬅又指工作已排到明年的11月，現時她專注工作，沒有想過結婚，她說：「好多人問我幾時嫁，呢啲嘢冇得自己爭取，我想拍戲唱歌。」千嬅表示最恨嫁的時期是25、26歲，她說：「30歲時見到好朋友離婚改變咗想法，將來結婚我想喺紅館擺酒，搞番個麻雀賽。」當記者取笑千嬅與緋聞男友丁子高最親密的舉動只是打邊爐，很難會有進一步發展，她笑說：「唔通一嚟就生兩件咩。」
想聯絡陳文媛
對於日前有聽眾在網上電台節目，爆粗鬧陳冠希（Edison），問到千嬅是否覺得大眾仍未原諒Edison，她說：「我唔想評論，但係講粗口就唔好，好多小朋友會上網聽。」她又表示不知陳文媛回港，有機會會聯絡她，對於許志安稱推了所有聖誕騷留港過節，千嬅強調自己不會推掉工作。
採訪：魯萍、李珮洳
攝影：葉君海