今年《歡樂滿東華》無綫找來楊盼盼帶領一班姐仔表演高難度凌空動作，陳奕迅則徒手扭蘋果，麥浚龍電鋸開汽水。負責表演凌空體操的湯盈盈，表示不敢向緋聞男友錢嘉樂請教，她笑說：「我驚佢扯甩我條褲。」
本年度的《歡樂滿東華》將於下月13日舉行，昨日無綫在尖沙嘴香格里拉酒店舉行記者招待會，有份參演的藝員及歌手在台上向市民呼籲，陳奕迅（Eason）還即場示範榨橙汁，並籌得5萬元。
Eason拒談病父
陳奕迅說：「我當晚會榨其他嘢。」站在旁邊的湯盈盈說：「你榨乜嘢？咁我行開少少先。」有消息指陳奕迅父親陳裘大在北京留醫，Eason不肯確認，只說：「多謝關心，我唔方便講咁多，我只係做我應該做嘅事。」至於會否減少工作，留多點時間陪伴患病父親，他說：「大家都睇到，我一直工作，生活仍然係要繼續。」
多年來以高難度動作為《東華》籌得不少善款的楊盼盼，今年會帶領無綫靚女湯盈盈、王君馨及李詩韻等表演凌空動作，湯盈盈說：「我哋要吊高喺空中，喺個呼拉圈入面做動作，我以前未試過，真係好辛苦，手手腳腳都瘀晒。」緋聞男友錢嘉樂是武術指導，盈盈可以叫嘉樂親自教路，她竟然說：「叫佢教，驚佢扯甩我條褲！」擺明笑嘉樂06年與鄭希怡（Yumiko）表演時扯甩女方褲子一事。
Juno維護網友
麥浚龍（Juno）會表演電鋸開汽水，他認為電鋸表演屬危險動作，會買重保險。日前他接受網上電台訪問時，有網友爆粗鬧陳冠希，當時Juno立即爆笑，他解釋說：「我個人好易面紅，個聽眾係我支持者，佢都係今年先有留意我，有人講話支持我就會面紅，咁佢突然講粗口，我係驚訝佢講粗口，所以有咁樣反應。件事過咗咁耐，過咗去要畀空間大家，唔好咁執着，我覺得言論自由無所謂，就唔好公開講。」
採訪：楊潔雯
攝影：仇志德
