花旗股市上周五大升，道指重上8000關，炒上藉口係奧巴馬嘅新政府班底大致完成，其實偏淡嘅消息唔少，包括通用汽車可能破產同埋花旗集團尋求政府注資，不過睇技術走勢，道指有機會升至8800水平才掉頭。
港股今朝應該會跟花旗股市造好，但係本周四期指結算，好淡雙方料有爭持。金管局公佈之新措施有助本地銀行紓困，加埋拆息持續下跌，銀行同地產股要開始留意。期指結算，要睇實重磅股，中移動（941）上周五表現唔錯，睇高一線。
中移動C輪15433：中移動現價67.50元，短線阻力喺70.80元，升破上望84元，可以諗吓隻C輪15433，上周五收19仙，槓桿3.5倍（有效2.2倍），正股升上84元，15433可見30仙，正股跌穿61元，就沽咗隻輪止蝕。
俊樺