鄧麗欣（Stephy）一改密實姑娘形象，穿上度身訂做的靚裙大騷玉背、長腿和纖腰，為新碟拍攝造型照。為了以最弗身形示人，Stephy拍攝前禁食以免凸出小肚腩，結果成功化身性感中國娃娃，擺明車馬向已轉走sexy路線的宿敵傅穎宣戰。
近日鄧麗欣不單止忙於宣傳新戲《絕代雙嬌》，還忙於準備即將推出的新唱片《TheRedAlbum》，日前她為新碟拍攝造型照，今次請來電影中她的造型顧問替她一改形象，改變玉女密實作風，以性感中國娃娃look出現，當中Stephy露長腿和纖腰，又大騷白滑玉背，的確令人眼前一亮，就連Stephy也差點認不出自己。
空肚防凸腩
問Stephy是否刻意轉型對撼已轉走sexy路線的宿敵傅穎（Theresa）？她笑說：「其實大家都唔同，每人有自己嘅靚法，我對今次造型好滿意，冇話對唔對撼，總之大家配合唱片一齊靚就OK。」
Stephy換了4個中國娃娃造型拍攝，由於換妝需時，由中午影到午夜，她說：「今次算係我入行以來影得最耐嘅唱片封套，因為又要換衫、轉化妝同髮型，仲係第一次化鳳眼妝同戴個短假髮，真係好有新鮮感。」今次衣着露肩、露臍、露腰和騷玉背，Stephy透露拍攝前形象顧問已問她有沒有問題，由於Stephy和形象顧問在電影合作多時，故此十分信任，很放心，Stephy認為有需要的話絕對可以接受較性感的打扮。
由於其中一套衫要露腰，Stephy事前禁食以免出現小肚腩。而Stephy的新戲和新碟都會在後日（27號）推出，不過她每日都很忙，返家即倒頭大睡，完全沒有因為緊張而失眠。
無膽拍床戲
另外，Stephy和吳雨霏（Kary）昨日接受商台節目錄音訪問，談到有沒有膽量接拍情慾戲，Stephy表示暫未能接受，Kary笑說：「如果Stephy接受到，我咪接受到。」想和那個男演員拍情慾戲？Stephy選畢彼特（BradPitt），Kary揀尊尼狄普（JohnnyDepp）。
撰文：葉雪
