全力向樂壇進發的胡杏兒，近日頻頻出席活動為新碟做勢，前晚她在一個音樂會上揚言恨攞新人獎，又向緋聞男友黃宗澤放風說：「點都唔好同我爭！」至於前日度過26歲生日的蔡卓妍，則透露好姊妹鍾欣桐之前為她準備驚喜派對，又與Sa媽穿上tubetop唱Twins歌曲拍短片，緋聞男友鄭中基也送上短訊祝賀，認真甜入心。
蔡卓妍、胡杏兒、楊千嬅、譚詠麟、李克勤、麥浚龍（Juno）、衞蘭及衞詩等一眾歌手，前日齊齊到粉嶺出席「禁毒滅罪耀北區」音樂會，其中蔡卓妍唱完便離開，沒有和寃家Juno碰頭，而緋聞情侶關楚耀和衞詩亦前後腳出現。鍾舒漫穿短裙在台上唱歌舉高腳時不慎露底。
宗澤：拱手相讓
正在趕拍無綫新劇《秋香怒點唐伯虎》的胡杏兒趕過來演出，問到今年有機會和緋聞男友黃宗澤（Bosco）爭新人獎，胡杏兒笑說：「佢可以咩？要呢個月尾出碟先得喎，不過點都唔好同我爭，我想攞，佢攞唔攞都冇所謂，最緊要我有機會。」Bosco昨日到尖沙嘴出席活動，他表示也希望得新人獎，問到胡杏兒希望他讓獎，Bosco笑稱：「佢都值得攞，冇所謂，女士就拱手相讓，一係佢攞金，我攞銀囉。」
師弟送蛋糕上台
22日是阿Sa的26歲生日，她在台上唱歌時，陳偉霆和洪卓立奉上蛋糕為她慶祝，事後阿Sa表示當晚要趕返深圳工作，踏入生日的凌晨12點，她也剛巧在車上過皇崗。問到緋聞男友鄭中基有沒有恭喜她？阿Sa甜絲絲地說：「有呀。」
不過最令阿Sa意外是好姊妹鍾欣桐（阿嬌）為她準備的驚喜派對，她透露：「阿嬌約我食飯，原來搞個surpriseparty，其中有段片係阿嬌同媽咪着咗打歌服唱Twins嘅歌，初時我睇以為自己同阿嬌唱歌，睇真啲先知係媽咪，佢可以着得落我件衫，但佢就着咗肉色打底衫再着件tubetop，好搞笑。」
此外，Juno被問到早前接受網上電台訪問時，有聽眾爆粗鬧陳冠希，他說：「我冇試過做直播節目聽到有人講粗口，當時我都覺得好尷尬，所以先至笑，並唔係為其他嘢而笑。我覺得大家想發洩唔需要喺公眾場合講粗口。」
採訪：魯萍、卓寶花、李珮洳
攝影：葉君海