美國演員公會（SAG）醞釀罷工事件歷時半年，前日公會再同電視及電影資方代表開會，可惜於最新一輪嘅談判中，雙方仍未於DVD和網上作品收益上取得共識，公會發言人宣佈，佢哋將要求全國12萬名會員投票表決是否罷工，估計由發出選票同完成統計過程，將歷時一個月。不過知情人指以目前嘅經濟氣候嚟睇，大多數會員都唔主張罷工。