李嘉欣昨日和許晉亨拉埋天窗，當年盛傳李嘉欣和洪欣周旋在富商劉鑾雄之間，更傳出李、洪不和，網上更流傳一段聲帶，內容被傳是李嘉欣提及洪欣。洪欣昨日到大埔超級城出席聖誕活動，談到李嘉欣昨日結婚，洪欣說：「我真係唔知佢今日結婚，因為之前都唔確定，不過戥佢開心，祝佢有情人終成眷屬，不過我同佢真係唔熟。」
指從沒見過大劉
對於網上有聲帶盛傳是李嘉欣提及洪欣，洪欣說：「我冇聽過，唔知道亦唔會去聽。」如果真的有這段聲帶會否不開心？她說：「唔會，得啖笑，成日嬲會好辛苦，我好睇得開，唔會放喺心度。」
至於劉鑾雄愛將甘比的女兒昨日滿月，洪欣聞言說：「吓，我真係唔知點解當年傳我同劉生有緋聞，雖然我否認，但大家依然當真，大約10年前我簽佢間公司之嘛。」她強調當年在公司沒有見過劉鑾雄，私下也沒機會見面，對於傳出緋聞，洪欣感到無奈，她表示早習慣。
採訪、攝影：何慧斯