謝霆鋒（圖）、張家輝同張靜初噚日喺大埔宣傳電影《証人》，部戲今晚會舉行首映，雖然家輝話會同太太關詠荷一齊出席，不過霆鋒就冇諗住同老婆張栢芝嚟，話遲啲先算。霆鋒又話最初都擔心票房受金融海嘯影響，但後來覺得呢啲嘢唔係大家可以控制，至於聖誕節都有人搵佢登台，如果價錢好會做，唔啱價嘅話會留番時間陪屋企人。