陳寶珠喺舞台劇《我愛萬人迷》飾演女明星曾讓開，由60年代走紅到09年呢40幾年間嘅心路歷程，背景亦橫跨香港、溫哥華同上海，寶珠姐會以超過30個造型穿梭舞台。到正式演出時，佢要用十幾秒極速變換多個造型，除咗要換衫外，連髮型都要轉，對寶珠姐嚟講係一項大挑戰。日前寶珠姐試咗幾個60年代嘅復古打扮，監製甘國亮同奚仲文一致讚好。