薑越老越辣，無綫自《溏心風暴》及《家好月圓》兩劇掀起城中熱話，全靠一班老戲骨撐住。無綫有見及此再下一城，請來一班老薑如袁詠儀、戚美珍及呂良偉出山演出新劇《金錢誘罪》，下月便52歲的阿呂更自爆駐顏秘技。
昨日無綫40集新劇《金錢誘罪》在監製莊偉健率領下，在將軍澳電視廣播城試造型，是次演出大部份是老薑演員，包括呂良偉、羅嘉良、戚美珍、袁詠儀及郭可盈等，監製準備了一大煲湯給大家分享，因為多位藝員是回巢重投無綫大家庭，如一家人一樣。
郭可盈賀39歲
席間大會為快將39歲生日的郭可盈慶祝，由呂良偉獻吻祝壽。下月便52歲的呂良偉被眾人稱讚保養好，有如食了防腐劑，阿呂說：「我好重視生活，有練氣功又練功夫，最緊要唔好有夜生活。」談到酬勞，阿呂及阿戚異口同聲不計較，他們二人是繼85年合作《雪山飛狐》後再度合作，至於羅嘉良與馬國明則黐上假鬚演出。
已為人母的袁詠儀身形圓潤不少，她表示試造型時已知會編審，一定要在昨日有齊10集劇本才現身，幸好編審夠誠信交足劇本給她，因她最怕飛紙仔。
薛家燕割膽石
郭可盈在劇中飾演呂良偉及戚美珍的第三者，她說：「我拍戲同私下都冇做過第三者，不過對愛情我覺得要轟轟烈烈先叫愛情，喺劇度我同阿呂有親熱戲，有啲仲係辣辣哋，我冇所謂，劇情合理就得，老公林文龍都知有親熱戲，我哋好專業嘅。」另外，薛家燕早前做割膽石手術，雖然身體已經康復，但她擔心拍劇時，體力未能負荷。
採訪：何慧斯
攝影：陳俊強
