麥浚龍（Juno）與陳冠希（Edison）先後與鍾欣桐傳出緋聞，因而不和，更多次隔空開火。前晚Juno到九龍灣網上電台接受訪問期間，有一位男聽眾用粗口大鬧Edison，更指不屑他媾圈中女星的行為，Juno聽後忍不住低頭竊笑至面紅耳赤，更激動到要除冷衫。
自從淫照風暴後，陳冠希宣佈退出香港娛樂圈避走美國，及後Juno處處維護淫照主角的鍾欣桐（阿嬌）。前晚Juno到九龍灣接受《海琪的天空》訪問（ http://www.omlive.cc/），其間有不少聽眾phonein與Juno對話，大部份人對他大表支持，其中一位叫Thomas的男聽眾突然於節目中爆粗責罵Edison，令主持人陳海琪有點不知所措。
「娛樂圈唔係為咗媾女」
聽眾Thomas表示對Juno初入行的印象不太好，他說：「你入行時好多負面新聞，今年留意你多咗，覺得你好值得支持。你係一個敢作敢為、敢愛敢恨嘅人。」此時Juno兩度多謝Thomas的支持，及後Thomas越說越激動並爆粗：「我好支持你，我好想講Edison條友正×街，成件事以為自己好×型，其實係一條乸型。」陳海琪即時勸他不要講粗口，在旁的Juno已忍不住笑到面紅耳赤。
Thomas繼續指摘Edison說：「佢做男人係一個羞恥囉，你就唔同，知道自己心中最愛係乜，唔愛係乜，你終於可以同前輩級歌手合作。你睇吓佢（Edison）一啲用都冇，以為自己嚟到媾×晒啲女好叻，娛樂圈唔係為咗媾女。你就唔同，一直都專心工作，佢就一路都以為自己好×型。」Juno已不停掩面低頭笑，且笑到滿面通紅。
海琪：大家斯文啲
陳海琪其後打圓場說：「做藝人真係好大壓力，要面對唔同抨擊，Juno你道行高，𠵱家可以靜如止水。」Juno卻笑着回答：「我𠵱家都唔係好靜，嗰位哥哥都係一個好敢作敢為、敢愛敢恨嘅人，我哋一齊努力。」Juno一邊說一邊緊握拳頭。接着陳海琪便播出Juno新歌，數分鐘後發現Juno已脫下大冷衫。陳海琪繼而轉述聽眾的留言，她說：「大家打電話入嚟斯文啲，唔好嚇走我啲嘉賓，你睇吓Juno激動到要除衫，個個嘉賓都話呢度好凍。」Juno有點尷尬地回應：「可能啲燈有啲熱。」
記者昨日致電陳海琪，她說：「其實呢啲都係反映民意，估唔到啲人咁懷恨於心。」Edison的公司則表示不會回應事件，Juno方面至截稿前仍未回覆。
撰文：李珮洳
娛樂資料庫：為阿嬌鬥餐死
年初陳冠希（Edison）爆出淫照風波後便一直避走美國，其死敵麥浚龍（Juno）即趁機搶走他擁有的一切，Juno曾激動地直斥拍攝者是「渣滓中的渣滓」，替緋聞女友、淫照其中一個主角鍾欣桐（阿嬌）抱不平。兩男又以潮人自居，不時鬥出潮Tee，鬥爭潮流icon席位；而今年4月，Juno更從Edison手上搶了籌辦由PharrellWilliams及KanyeWest演出的潮騷。
