美國前總統克林頓下月嚟香港接受港大頒發榮譽博士學位，夫憑妻貴，相信會成為焦點，而佢創立嘅ClintonGlobalInitiative（CGI）會下月喺本港舉辦首次論壇，據講多國元首會參加，討論教育、經濟、環保等議題。
已應承與會嘅猛人包括新加坡李光耀、菲律賓總統阿羅約夫人、亞洲最大風力發電企業印度蘇司蘭（Suzlon）公司創辦人坦提（TulsiTanti）及東南亞國家聯盟秘書長SurinPitsuwan，香港人比較熟識嘅，相信係國際級武打巨星李連杰，有佢到場，真係星光熠熠。李連杰近年創辦慈善「壹基金」，同克林頓應該有好多共同話題。