嘿嘿！手風順番，我連中兩口希杭同山度士，累積結餘逐漸回本。執筆前揀緊要西維爾讓華倫西亞平/半嘅上盤，定祖雲達斯不敗好，幾番掙扎終於揀咗西軍班莫財球員，射死華倫班「蝙蝠兵」搶錢！
貼上盤定貼「大」好呢？呢個問題纏繞咗我廿分鐘，皆因西維爾一向攻強守弱，仲要對有韋拿嘅華倫，正常可以開3球或以上。不過，西維爾今季一反常態，由史基拿斯拍住法國同鄉艾斯古廸嘅中堅組合越見成熟，至今11戰僅失8球，同巴塞暫成守力最強隊伍，更有7場保住清白之身。
華倫西亞跌watt
最近反輸2:3畀華拉度列，全因34分鐘已有路爾斯法比安奴領紅打少個所致。季初西維爾唔齊腳都上到前5，家陣簡路廸、廸亞高卡普、路爾斯法比安奴同莫斯基拉等主力全部已傷、停復出，實力仲勁過之前。
仲有呀，西維爾近期喺聯賽打到順風順水，不過私底下班球員就極唔好彩。好似路爾斯法比安奴、馬利斯卡、艾廸安奴、廸梅爾同柏立就輪住俾賊入屋偷嘢，佢哋話明要將呢股怨氣發洩落華倫身上，話晒贏波有獎金，當幫補吓。
華倫近期走勢肯定不如季初，上場主場仲2:3輸畀升班馬希杭；至於季初大勇嘅韋拿，近仗入波都開始要靠12碼，有下滑迹象。維辛廸復出係好事？弊就弊在同桑馬達撞晒位，防中艾比達又要停賽，要唔過呀！
撐祖記作客國米不敗
配腳要愛隊祖記作客國米不敗，開「客勝」。啱啱周中國際賽，國米嘅伊巴、阿祖、韋拉同文仙尼等個個服兵役；反而祖記嘅廸比亞路、阿馬利及尼維特全部免戰，淨係一個大勇嘅廸比亞路都夠殺。文：畢傑
〈早飛倉〉
主菜：星期六69西維爾（上）@2,000
渾水摸魚過關：星期六11科隆大（1.48）x星期六62祖雲達斯勝[+1]（1.8）x星期日38艾美利亞（下）3x1@300
今日早餐價錢：-$2,300
上日賺蝕：+$200
早飛倉結餘：$95,034
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。
周末早飛超級重心
星期六11 科隆大（1.48）
科隆連績5場有失球，對手賀芬咸更不用多說，有前冇後，伊比斯域及奧保基入球唔識停，當然要追「大」。
星期日34 韋斯咸（下）
新特蘭得勝率相當低，豈能讓同級對手？韋斯咸即使處低潮，但實情演出正在進步中，料保不敗。
星期日38 艾美利亞（下）
奧沙辛拿上仗又負畢爾包，再次冇波入，11戰未嘗勝果；艾美利亞射手尼格度大勇，受讓值捧場。
難啃早餐
星期六19 樸茨茅夫勝[-1]（3）
樸茅攻力不算銳利，新帥阿當斯仍在摸索階段；侯城勝在火力強，至今客場全部有波入，包括對阿仙奴及曼聯。