巴甲僅餘下3輪秩序，爭標、護級、戰意俱是投注前留意重點。周六3場巴甲，就以帕拉尼恩斯作客保地花高開W作重心。
保地花高聯賽4連敗，無他嘅，除因球會拖欠球員3個月薪金，導致「工潮」醞釀離隊而損士氣外，他們已肯定毋須降班，又肯定未能爭前4，踢風流波表表者。何況守將安達雷斯及中場杜里奧要齊齊停賽，我猜已無心戀戰。
14位的帕拉尼恩斯仍受降班威脅，適逢下周要對護級主要對手紐廸高外，煞科戰亦要硬撼爭標的法林明高，故今對保地花高唔贏等幾時？事實帕軍近5場得4勝1和，射手拉菲爾摩拉及中場巴希亞入球停不了，前者5仗更入4球，是役冇得輸。
哥軍踢風流波和格
暫排第8位的哥列廸巴與保地花高一樣可踢風流波，今迎有守將馬高斯泰文達利要坐波監的山度士，未必去盡；位列中游的哥列廸巴無慾無求，近3仗錄得兩負一和劣績，惟其主場戰績有保證，17戰9勝6和2負，與榜首的聖保羅同失11球，可見防守力不俗。至於客軍山度士如擊敗哥列廸巴就肯定護級成功，左閘基巴已歸隊，惜作客勝率低，我會揀3.3倍的和局。文：畢傑
主客和過關
星期六65帕拉尼恩斯勝（2.9）x
星期六66哥列廸巴和（3.3）2x3