呂良偉噚日同太太楊小娟，仲帶埋個醒目囝囝，一齊去灣仔福臨門嘆茶，佢哋坐架七人車出現，囝囝仲着住校服，佢一跳落車就去附近一間玩具店度睇玩具，佢一見有人影相就問：「你哋係記者呀？」阿呂話因為囝囝返學校參加朗誦比賽，所以佢哋帶埋攝錄機同囝囝影嘢，見佢哋一家三口咁開心真令人羨慕。