星期天趁上班前去了一轉醫院，好彩唔係有病同探病，而係舊同學嘉廸斯生了一個肥肥白白嘅囡囡，在此祝福嘉廸斯同佢靚仔老公柏德烈嘅愛情結晶快高長大，2028年香港小姐冇走雞！
上星期蘋果波神咒小弟見光死，不過富咸對熱刺順利開「大」，本欄順利5W，今次再向入球「大」進軍，就係曼城對阿仙奴開「大」。星期日同波神喺公司一齊睇曼城對侯城，一同認為曉士領軍已失衡；唔知為咗取悅老闆，定為咗份工，有幾多攻擊球員都差唔多派晒上陣，頭重尾輕，違反以前帶布力般講求防守本性；今次對阿仙奴相信又係鬥攻格，入球「大」捧得過。
大細：曼城「大」
心得：曼城攻守失平衡
近5場往績：WWWWW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！