上個禮拜同班朋友去咗上海玩，原本諗住順便睇埋大師盃決賽，惟因門票太貴而拉倒。講真，決賽由廸祖高域對戴利丹高，個人認為戲碼麻麻，唔睇都冇乜損失。雖則冇波睇，喺嗰幾日節目一樣咁豐富，玩完就食，食完就飲，晚晚瞓得嗰幾粒鐘。好衰唔衰老友里奧喺尾二嗰日扭親腳，雖則個足踝腫過豬蹄，但佢都撐埋落去，晏晝喺周莊行完兩粒鐘，夜晚再落埋Muse。
講開整親腳，阿仙奴前鋒尹佩斯季季至少起碼傷一次，周中國際友賽佢幾「弗」，幫荷蘭入兩粒贏瑞典3:1，適逢曼城識攻唔識守，一於捧曼城對阿仙奴開「大」。
大細：曼城「大」
心得：兩隊都係攻強守弱
近5場往績：WWLLW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。