【本報訊】對於零售業界建議政府推出消費券救市，經濟學者普遍對成效持保留態度。
中文大學財務學系副教授蘇偉文表示，消費券只會在經濟環境好時起作用，但現時經濟低迷，「推消費券只係將庫房嘅錢搬過去零售業嘅袋。」
「淨係監察都好煩」
蘇偉文表示，政府推消費券與商場派發禮券沒有分別，「如果我擔心俾人裁員，我一樣唔會消費，用完張消費券之後，會留起自己啲錢傍身。」他說現時市民不敢消費，主要是因為信心問題。
浸會大學財務及決策學系副教授麥萃才認為，派消費券對刺激零售業有一定作用，但成本很高，效果也未必持久，一旦市民用完消費券，若經濟環境未見改善，零售業又會打回原形，「要印製同派發，又要提防有假冒，好多嘢要考慮同擔心，例如會唔會有老人院扣起啲老人家嘅消費券呢？會唔會有人以八折或者七折出售消費券圖利呢？有乜嘢法律問題呢？淨係監察都好煩。」
他表示，若對使用消費券設下限制，例如進行資產審查或只能於指定行業消費，政府成本將更高，「唔派好過派。」