周六英超聯賽事，榜首的車路士主場面對下游的紐卡素，理應獅子撲兔；但考慮主隊多名國腳為國家隊耗力甚多，加上客軍前鋒奧雲復出，足以搗亂大局，冷敲車仔小勝一球，博「讓球主客和」「和局」。（球賽編號：星期六15；now631台今日11:00pm直播）
主隊多戰將踢罷國際賽
車路士聯賽4連勝，入13球兼0失球，如此強橫近績豈能不大炒作客的紐卡素？不過車仔剛過去的國際賽卻有大半隊為國出力，特別3位葡兵廸高、保辛華及保羅費拉拿要遠征南半球的巴西踢太公波，大敗之餘搭飛機都搭到暈；而泰利為首的英軍，亦要作客德國，泰利身為隊長打足之外亦攻入一球，體力無可避免亦消耗。
雖然中場波歷克已於上仗對西布朗復出，但車仔兵源亦不充裕，長期傷兵如艾辛、卡維奴等缺陣，杜奧巴則要停賽，門將施治因小腿傷上仗已缺陣，今仗上陣成疑，亦令後防呈缺口。而且車路士下周中亦要作客波爾多，踢歐聯分組出線關鍵戰，今仗料有保留。
紐卡素早前盛傳由前射手舒利亞接任領隊，雖然未落實，但對球隊也有鼓舞作用；客軍傷兵問題亦嚴重，復勇的中場祖爾巴頓又因傷缺陣，史提芬泰萊、維度卡，阿倫史密夫等繼續缺陣，可幸前鋒奧雲上仗復出下即有波入。論近況紐卡素亦較季初改善，近7場僅2敗；加上紐記近3仗作客車路士均僅敗一球，一於冷敲「和局」。文：牽牛
星期六15
車路士vs紐卡素 2：1
半全場：和/主
盤口：車路士[-1]
讓球主客和：D和局