劉德華在電影及樂壇上也得過不少獎項，惟獨出身於電視圈的他，卻未嚐過當視帝滋味，前晚在音樂會上，華仔力撐出爐視帝夏雨之餘，也望自己能拍偶像劇爭視帝。
劉德華、陳奕迅（Eason）、容祖兒及軟硬天師前晚於灣仔會展，參與商台「麥當勞世界兒童日2008音樂會」的演出。音樂會由劉德華與兩個囝囝Andox及黑仔打頭陣，不過精靈孖仔出場又唱又跳又耍纓槍，大搶華仔鏡頭。事後華仔接受訪問，對於被兩個囝囝搶鏡，他說：「唔會介意，望都咁望啦。其實一直有人搵佢哋合作拍廣告，不過佢哋兩個未突出自己嘅性格，如果要拍廣告都唔知收幾多錢好，好似今次演出係善事所以冇收錢。」
阿葛再踏舞台
華仔不止計劃做星爸，而且也望能榮升做視帝，出身於電視圈的華仔，曾奪影帝及最受歡迎男歌手獎，但在電視圈卻未能稱帝，華仔笑說：「我撐夏雨做視帝㗎，戥佢好開心，我都有傾過拍劇，我要做港式奶茶王子，最好拍偶像劇，不過擔心係做偶像劇嘅爸爸角色。」華仔又謂未有正式傾過拍劇，不過他的酬勞會收得很貴。問他若拍劇是否想爭做視帝？華仔坦白說：「唔爭得咁多嘢，唔會因為爭獎先拍劇，都係為酬勞先拍。」
葛民輝之前在軟硬演唱會上因心臟病暈倒台上，今次是他病癒後首度再踏舞台，阿葛被問到在後台可有救急措施提供，他不離搞笑本色說：「今次又唔係玩得咁癲，後台有啲例牌急救用品，不過搵靚女做人工呼吸就得。」
Eason囡囡唱得
另外，容祖兒（Joey）與鍾欣桐（阿嬌）早前有見過面，Joey表示阿嬌的狀態及心情也很好，她也心急復出，對於阿嬌的經濟問題，Joey認為阿嬌有積蓄，並沒有問題。
Eason在音樂會上與一班小朋友合唱，提起女兒康堤，Eason說：「康堤鍾意唱歌同跳舞，我冇教佢，係學校教嘅，佢把聲好響，又唔怕醜，如果佢長大咗鍾意演藝發展我都唔抗拒，唔會畀壓力佢，不過一定要讀好書先。」
採訪：王連連
攝影：仇志偉、林德雄
