曾演出日劇《花樣少年少女》嘅26歲男星石垣佑磨，前日喺東京舉行記者會，為上星期六喺新宿居酒屋醉酒鬧事致歉。石垣當晚因遺失銀包，同居酒屋侍應發生爭執，佢承認當時飲咗太多酒，已經醉到唔記得所發生嘅事，之後含淚向被佢毆打嘅居酒屋侍應同警察道歉。石垣已即時被事務所踢入雪櫃反省，並飛出有份主持嘅體育節目。