有翻版樂基兒之稱的周秀娜（Chrissie）昨日以短裙造型到旺角出席電玩遊戲宣傳活動，她笑說玩賽車遊戲夠刺激，所以着短裙配合有種熱血沸騰的感覺，不過Chrissie就倒米指平時甚少打機，只會在拍戲等埋位才打手提電子遊戲機。問她可會擔心被指不夠專心？Chrissie說：「劇本應該一早就熟讀好，唔係去到拎住個劇本就代表勤力，我當然係做好晒準備至會玩。」
搏命𢱑銀
Chrissie最近忙於演出新片《玩大咗》，戲中大玩制服誘惑，她說：「導演要我着密實制服都要做到好性感誘人嘅感覺，我都覺得好難做，不過導演都收貨，其實唔性感冇問題，最緊要係拍得我靚。呢排都係開通宵更，日頭又要接job，搞到個人好辛苦，不過我都寧願辛苦搵多啲錢，後生女唔怕捱。」
採訪、攝影：魯萍