阿仙奴若想保前4或爭標，12月賽程對他們尤其重要；在右路癱瘓兼有限兵源下，周六作客曼城經已難踢，下周還要到訪史丹福橋硬撼車路士，恐怕會接連失分。
先鬥車仔再戰紅軍
暫列第4的兵工廠（23分），已落後榜首車路士9分之多，禾確特加入最新傷兵名單，連同可任右閘或右中場的沙格拿及伊保爾養傷，莫說下周能在車仔身上成功搶分，周六對曼城亦危。再看賽程，除12月初對韋根及米杜士堡料可順利過關外，其後便要與利物浦及維拉等前列交手，失分指數爆燈。
就算沙格拿及伊保爾預計12月可復出，但若接連不敵曼城及車路士，積分差距便會越來越大，士氣亦會進一步受打擊；屆時即使右路「修復」，要力追前4亦大有難度，故說08年餘下秩序惡踢。
須知拿斯尼、戴亞比或卡路士韋拿等小將，俱是擅於左路發難的球員；禾確特、沙格拿及伊保爾短期內缺陣，使領隊雲格於右路擺放球員時大傷腦筋。硬要找人替補禾確特，相信只能用守強過攻的丹尼遜及桑治。
防線則較惡搞，施維斯達是左腳仔，小將基蘭基比斯亦是左後衞出身，佐羅則多出任中堅。以早前雲格臨場變陣所看，若然沙格拿或伊保爾缺陣，右閘一職多數要高路托尼客串。
畢傑