韓國女星文根英向來善心爆棚，早前被人發現多年嚟匿名向慈善機構捐款高達497萬港元，不過有網友批評佢捐錢只為自抬身價，又大揭文根英嘅家族身世，指佢嘅外公曾因為多次參加政治運動而入獄，叔父又因參加光州民主運動被槍殺。韓國嘅公益機構力撐文根英，呼籲網友立即停止呢種惡劣行為。