小馬開季戰績差勁,連班主古賓都惹官非;美國證券交易委員會周一就起訴古賓,指佢涉嫌利用機密消息進行內幕股票交易;事緣古賓04年曾入股一間網站股權,但當佢近期得知網站股價將大幅下跌前,就透過經紀全數放售股份,之後先向外公佈,避免75萬美元(約585萬港元)損失,不過古賓已表明會上訴。古賓當年用夏里士換傑特,前者喺網隊打到識飛,搵2,000萬美金年薪嘅傑特就冇料到,咁多錢都蝕咗,又點解為幾十萬美金被人告?難解。