陳寶珠、余安安、李香琴、甘國亮同周秀娜等噚日去咗大圍車公廟，出席舞台劇《我愛萬人迷》拜神活動，寶珠姐數十名忠實fans舉晒牌到場支持，由於經濟不景，寶珠姐都擔心舞台劇售票情況會受到影響，佢話：「擔心梗有啦！我會盡好責任做到最好，我啲fans已經訂晒套票，佢哋知道我做舞台劇就儲定錢，仲係每場都買飛支持。」