伊能靜早排俾人影到拖住黃維德，搞到佢同庾澄慶（哈林）嘅婚變越傳越盛，日前小瑪歌收到風，話哈林叫伊能靜農曆新年前都唔好返台灣，唔好再講嘢，好等庾家可以平靜過日子喎，伊能靜都好聽老公講，收聲唔再回應。至於黃維德𠵱家喺內地拍緊劇集《三國》，雖然有傳因為呢單嘢要換角，但劇組已經對外澄清冇件咁嘅事，仲話黃維德會開記者會澄清緋聞㖭。