明晚《萬千星輝賀台慶》無綫把近日緋聞炒得熱烘烘的鄭嘉穎、佘詩曼擺上枱，造就他們攬腰拖手表演歌舞，對於無綫的安排，阿佘非但不抗拒，還說：「觀眾睇得開心，我就演出得開心。」
無綫台慶今年大玩螢幕情侶，鄭嘉穎、佘詩曼這對緋聞男女一定不可以少，他們夥拍胡楓、吳君麗、伍衞國、呂有慧、石修、李琳琳表演一個懷舊金曲歌舞環節《金鑽情歌忘不了》，一眾拍檔昨日在將軍澳電視廣播城綵排，鄭嘉穎說：「都係做嘢，台慶祝公司生日，有一part幫到手已經好開心。工作還工作，唔需要太刻意，其實2月份大家都會一齊拍劇，都預咗傳媒鍾意寫。」
讚阿佘唱得跳得
嘉穎還表示對阿佘的唱功充滿信心，他說：「唔覺佢唱歌雞仔聲，佢跳舞仲學得好快，佢好聰明，學嘢好快，跳得好過我。」緋聞男女是最搶手的宣傳工具，鄭嘉穎揚言他跟阿佘酬勞不菲，他說：「我唔介意亦唔抗拒，不過兩個人一齊一定好貴，𠵱家經濟咁，所以順其自然。」
佘詩曼對於無綫刻意安排她跟緋聞男友同台演出，覺得不是壞事，她說：「我都唔知點解成日安排一齊，點解呢！係囉！好似我同嘉穎、杏兒同Bosco（黃宗澤），都係公司安排喇！都係冇壞，表演啫！觀眾睇得開心，我就演出得開心。」
志偉打人遭投訴
此外，《萬千星輝頒獎典禮2008》上周六晚平均收視30點（約188萬觀眾），較去年升了一點，其中秦沛奪萬千光輝演藝大獎部份更達35點最高成績（約220萬觀眾）。無綫就當晚頒獎禮接獲7宗投訴，為汪明荃未能奪視后而抱不平，另外，廣管局則接獲一宗投訴，指頒獎嘉賓拍打藝人的臉不尊重藝人，即指曾志偉拍打王祖藍部份。而榮升視帝的夏雨昨日接受商台訪問，他說：「當晚陳豪猛話鏡頭影住我，黃宗澤話睇我有幾亂。」夏雨表示不但不會加價，還考慮減價。
採訪、攝影：楊潔雯