台灣女歌手范瑋琪（范范）出名瘦到張紙咁，皆因佢5呎7吋高，但得嗰97磅，估唔到佢前兩日宣傳當地電視台嘅偶像劇《霹靂MIT》時，由於為食搞到腸胃炎要入醫院吊鹽水。小瑪歌知道佢嗰日好耐冇食嘢，所以一見到歌迷熱情送上好多滷味同土產，就想食晒佢，點知搞到上吐下瀉，急性腸胃炎，范范仲話：「大概一個月內唔想再聽到滷味兩個字了！」