光良（中）前晚喺台北小巨蛋開騷，一向斯斯文文嘅佢居然大跳勁舞，仲除開外套露兩點，小瑪歌睇到都感覺到佢為呢次個唱真係豁出去，作出好大突破。演出完畢後，光良出席慶功宴，仲請埋專登嚟捧場嘅父母一齊上台開香檳，兩老開心到錫阿仔一啖。當晚光良仲為跟隨佢多年嘅一位工作人員慶祝生日，搞到對方好感動，最後佢哋仲擁抱㖭！