噚日一班華仁仔又聚首一堂，為咗幫母校籌款。合和胡應湘喺金融海嘯下，豪捐500萬元畀母校，令到「華仁一家基金」籌款數字升到去6,100萬。華仁舊生煲呔噚日都有出席籌款活動，華仁書院前校長兼校監狄恆神父，送咗本講耶穌會歷史嘅書《JESUITSinHONGKONG,SOUTHCHINA》畀煲呔。
狄恆神父未教過煲呔，八方問佢對煲呔讀書時嘅印象，佢笑言唔會用outstanding（傑出）去形容煲呔，只會用ordinary（平凡），咁啱行過佢身邊嘅另一華仁仔方剛，神父就話呢位先係叻仔，表現outstanding喎，方剛被讚，心情靚到不得了。