摩根大通噚日傳出裁員消息，華華即時諗起上個禮拜二（11號）收到摩通發表嘅兩份澳門地產股報告，報告由同一批分析員撰寫、同一日發表，但觀點就南轅北轍，一份睇好、一份睇淡，搞到華華𢱑晒頭，唔知信邊份先至啱？
唔通佢哋愁緊公司裁員，搞到心不在焉？定係打穩陣波，兩邊落注博梗有一邊買中？
呢兩份報告都係由署名Billy、Steven同Joanne3位分析員負責，但兩份報告唱對台，自己打自己。一份就話澳門特首何厚驊將物業印花稅由3%，調低至1%，並且豁免首次置業、樓價低過300萬銀嘅印花稅，將會有利澳門樓市，睇好賭王何鴻燊隻信德（242）。
兩份報告意見相反
不過同日另一份報告就話，金沙缺水擱置金光大道項目發展，會打擊澳門經濟同樓市需求，對信德構成負面影響。一份就睇好信德，一份就睇淡，究竟呢3位分析員嘅立場想點？