G20會議曲終人散，冇實質行動，全球嘅金融體制改革就繼續傾，股市今日會唔會借勢插落就唔知，不過上周五花旗股市顯著下跌，今日亞洲股市應該會低開。
花旗3大車廠唔掂，共和黨表明唔會救，民主黨就積極推動拯救方案，呢個禮拜花旗股市嘅焦點就係呢樣嘢。
港股短線支持位喺12800，阻力位14200，連續兩季經濟負增長，技術上進入衰退，企業倒閉潮開始，氣氛會差啲，但係中央救經濟嘅措施夠大刀闊斧，應該可以幫到啲。
中交建C輪15402：中交建（1800）上周五升7巴仙，報收7.30元，已升破咗條50日線，受惠中央政策，反彈可以睇得進取啲，博會見10元，可以諗吓隻C輪15402，現價25.5仙，槓桿2.8倍（有效1.9倍），正股升上10元，15402有機會見46仙，正股跌穿6.50元，就沽咗隻輪計數。
俊樺