吳雨霏（Kary）、王菀之（Ivana）前晚在拉闊音樂會中勁唱勁跳，二人雖然同樣穿上背心短裙加長靴，但效果相差甚遠，型女一族的Kary電力十足，竟然電到水桶形下身的王菀之，更令王菀之有想咀她的感覺。
前晚「08拉闊三場─古巨基x王菀之x吳雨霏x張繼聰」在亞洲博覽館舉行，吳雨霏與王菀之大鬥唱功兼鬥性感，若論唱功二人不相伯仲，但講到性感，Kary則略勝一籌，其中一個環節二人同穿背心配短裙合唱，但身材fit爆的Kary跳舞時揚起短裙，露出金色打底褲，Ivana的打扮令她看來下身較肥胖，故被比了下去。
張繼聰捧老婆
張繼聰在台上表示會唱一首歌，是他心目中最喜愛女歌手主唱的，就是老婆大人謝安琪的《囍帖街》，而古巨基則大搞爛gag，講他為無綫主持的《係咪小兒科》其中一句口頭禪：「我係小兒科，渣過啲細路哥。」
王菀之在後台接受訪問時，被問到其性感程度不及Kary，她說：「今次我哋分4個主題，Kary係個靚女女神，我就迷幻啲，Kary係好性感，我同佢合唱時，覺得佢又靚又電力十足，真係想錫佢。」另外，Ivana得到商台厚愛，一年兩次演出拉闊音樂會，對此她說：「唔止我做過兩次，我只是做過一次大拉，一次細拉。」王菀之又指今次合作的是新班底，但私下大家是好朋友，只希望台上合作有爆炸力。
唔介意遭索吻
Kary被問到Ivana坦言指她電力十足有想錫她的衝動，她反問記者說：「我唔會介意，Ivana個樣都幾可愛。」
有傳金牌以3,000萬元與古巨基續約，他說：「大家有傾過，但仲未講價錢，講心嘛！經濟唔好呀，明年2月先完約。」記者問是否要看年尾頒獎禮成績如何才決定續約？基仔表示是無關的，他自覺今年成績很好。
此外，鄧麗欣（Stephy）、Kary和唐素琪，昨日到旺角街頭宣傳新片《絕代雙嬌》，吸引數百人圍觀，場面混亂，大會未有安排保安，所以三女要靠歌迷築成人牆保護。
採訪：王連連、藍文浩
攝影：陳俊強、藍文浩
