上周六英超聯，阿仙奴主場0:2不敵阿士東維拉，在新主場阿聯酋球場3次對維拉未嘗一勝；相反，曼聯主場輕鬆以5:0大勝史篤城，壓過阿仙奴升上第3。牽牛
阿仙奴從未在阿聯酋球場擊敗維拉，今仗亦難逃劫數，18分鐘客軍中場艾殊利楊格殺入禁區，被主隊禾確特踢跌，球證判罰12碼；不過艾殊利楊格親自主射，被兵工廠門將艾蒙尼亞救出。
維拉今仗穩守突擊戰術出色，35分鐘策動反擊，巴利近門施射，但又被艾蒙尼亞救出；換邊後阿仙奴終於失守，70分鐘艾殊利楊格左路傳中，主隊左閘基捷基治頭槌「擺烏龍」。維拉的艾邦拉荷於80分鐘建功，最終以2:0擊敗阿仙奴。
曼聯輕鬆炒史篤城
上仗聯賽不敵阿仙奴的曼聯，找到史篤城做「出氣袋」。曼聯就算收起朗尼與里奧費廸南，3分鐘已由基斯坦奴朗拿度（C朗）射入罰球先開紀錄；其後曼聯的卡域克於45分鐘接應C朗左路橫傳勁射入網，半場輕鬆領先2:0。換邊後曼聯再憑貝碧托夫、韋碧克及C朗建功，大勝5:0，12戰得24分，以1分之微壓過阿仙奴升上第3。
另外，哈利列納接掌熱刺後的「神奇之旅」告終，作客被富咸以2:1擊敗。同日英超早場，利物浦憑古積特及謝拉特上、下半場各建一功，作客2:0擊敗保頓；而紅軍領隊賓尼廸斯膺英超10月最佳領隊，最佳球員為車路士中場林柏特。
