韓國女星崔真實上月初自殺身亡，遺下一對年幼子女，佢嘅前夫趙成珉同崔家因為子女監護權同遺產問題發生爭執。噚日有網站喺當地汝矣島發起反對趙成珉恢復監護權嘅集會，吸引逾百人冒雨參加，佢哋拉起橫額大叫口號，又要求政府修補現行監護權制度嘅漏洞。佢哋仲手持康乃馨追悼崔真實。