張曼玉自04年膺康城影后後，一直休息沒有拍電影。她前晚否認與建築界男友Ole結婚，更會重投電影工作，承認客串昆頓塔倫天奴（QuentinTaratino）新片，她大嘆可惜無緣與畢彼特（BradPitt）拍對手戲。甚少回港的曼玉，不忘鼓勵港人在逆境中過平淡生活，多多儲錢。
張曼玉近年甚少在港公開亮相，她前晚以珠寶名牌伯爵（Piaget）全球大使身份，在香港大潭出席LimenightParis-NewYork派對。穿上豹紋裙、戴上過百萬珠寶的她，面圓圓帶點浮腫，但心情靚絕，有問必答。
客串戲院老闆娘
曼玉自從04年拍完《錯過又如何》（Clean）後，一直沒有拍電影，她前晚表示會參演鬼才導演昆頓塔倫天奴執導、畢彼特主演的電影《InglouriousBasterds》，客串扮演巴黎戲院老闆娘，她說：「係客串幾日戲，戲份唔多，唔係主要角色，不過幾過癮，全部都用法文嚟演，都幾難。我都係塔倫天奴fans，睇過佢七、八部戲，可惜冇機會同BradPitt同場合作。」她謂最想將來可與梁家輝及法國女星茱麗葉庇洛仙（JulietteBinoche）合作，並表示拍電影也不再想爭獎項。
金融海嘯下，經濟轉差，曼玉鼓勵香港人說：「呢個浪一定會退，經濟咁唔順境都唔係第一次，𠵱家大家應該儲定多啲錢，平淡咁生活先。」問她有沒有投資損手？她說：「冇，好彩我唔係股票人。」
問到感情事，曼玉說：「幾好，有個了解自己嘅人喺身邊好舒服。」盛傳她將和男友Ole結婚，她再次否認說：「唔係結婚，從來都冇諗要喺呢個時候結婚，唔係一時話結，一時唔結，係啲雜誌寫啫。」問她可有想過退休？她說：「從來冇諗過呢個字，想多啲時間做自己嘢，但唔需要退休。」
張天愛以髮遮點
此外，同場的張天愛穿上透視花裙，真空上陣的她透視乳暈，她說：「我離開屋企時暗暗哋唔覺，𠵱家惟有用頭髮遮住啦。」
採訪：羅慧敏
攝影：黃文偉