話說關仁有日揸車去中環一棟商業大廈，嗰棟大廈個停車場啲彎位難度好高，如果兩架車一上一落好易撞到正。
當靚車係老婆
嗰日關仁架車啱啱轉緊落去，而對頭上緊嗰架車係「國王」女友「蓮蓮」，佢揸住嗰架迷你車，蓮蓮都算好禮讓，一見有車就停低畀人行先，不過佢架車嘅玻璃窗就真係超級違法，玻璃窗全部係深啡色，慌死俾人睇到咁，即使犯法都冇有怕，果然有阿嫂風範。
其實蓮蓮嘅男友國王一向好鍾意車，不過咁，佢一定唔會借車畀蓮蓮揸，因為佢啲名車咁貴重，當啲靚車係老婆，而蓮蓮只不過係佢一個唔肯認嘅女人，所以未夠資格揸佢啲靚車。關仁都覺得蓮蓮好慘，另一個「天光光」嫂「好笑妹」生日就收架靚跑車，真係同人唔同命咯。
Textby關仁
