劉嘉玲前晚戴百多萬珍珠鑽飾在中環出席名牌活動，艷光迷倒品牌高層，向她投注目禮。2R的黃婉君（Rosanne）及黃婉伶（Race）以吊帶低胸裙示人，直認墊pad谷胸的Rosanne更見波濤洶湧，成為全場焦點，令同場「𡃁界女神」文詠珊也為之失色。
劉嘉玲、2R、文詠珊（JaniceMan）及榮雪梅等前晚在中環出席日本珍珠Mikimoto創辦人御木本幸吉150歲冥壽紀念派對，同場還有AmandaS.等示範名牌配飾。
嘉玲賀郭台銘妻
劉嘉玲戴上百多萬珍珠鑽飾現身，連品牌高層都被嘉玲迷住，頻頻與她交談，劉嘉玲賣口乖說每個女人都應有一串珠鏈，而自己也擁有一條由母親送贈的珠鏈，但老公梁朝偉反而未有送贈，問她偉仔可是負責送鑽石？她說：「係呀！」再問到所指的是否名貴鑽戒？劉嘉玲即說：「貴嘢呀，不過係唔使錢嘅。」是否指兩人之間的愛？她甜笑說：「差唔多啦。」她又透露近日開始買聖誕禮物，但未有特別構思送甚麼予偉仔，她說：「年紀越大越平淡。」
提到曾與她傳緋聞的郭台銘太太曾馨瑩最近懷孕，劉嘉玲有點愕然說：「我睇報道睇到，係明年嘅事。」有否打算送禮？她說：「睇吓有冇揀到啲啱嘅禮物先。」
JaniceMan認輸
2R兩姊妹前晚性感現身，谷胸上陣的姊姊Rosanne成為全場焦點，搶去妹妹Race風頭之餘，更連同場大露背的JaniceMan也比下去，Rosanne直認加工，她說：「我有墊pad同戴bra㗎。」Race在旁邊說：「我唔介意輸畀家姐，好彩媽咪由細教我哋食珍珠粉，所以𠵱家皮膚同身體都keep得好。」對於風頭不敵2R，JaniceMan說：「每個人有唔同習慣，我未有膽量騷（胸），我嘅發揮之處係腰同背，我唔會谷胸，因為有陰影，以前試過戴nudebra走位。」她更謂不介意俾2R搶鏡。
採訪：羅慧敏
攝影：陳俊強
